Affiatate... poesia di Gioacchino Ruocco

 

Affiatate

comme si tenessemo

ancora ‘o stesso sciato

‘e quann’eremo criature

ca criscenno,

uno affianco a n’ato

‘e vote te vasavo

e doppo me vasave

pure tu

restanno a vedè

si respirave

si respiraveme  accussi

uno cu ‘a vocca ‘e n’ato

e po’ redevemo ‘ncantate

e ce pruvavemo ancora

ogne vota ca vulivo

e ogne vota

ca io te vulevo

darte nu vaso

redemnno e pazzianno

forse già

‘nnammurate

cchiù ‘e mò,

ca ‘e vvote si scuntrosa

ca ‘o ore un te riposa

sempe bbuono,

ca quanno torn’’a casa

me guarde dint’’a ll’uocchie

tremmannete ‘e denocchie

quase arraggiata

penzanno a c’aggia fatto

quanno nun ce so’ stato

e si te dico sempe ‘a verità.

Si chisto nun è ammore

dimme che r’è ?

E’ gelusia

ca te fa male ‘o core,

ca te fa stravedè

chello ca nun esiste.

 

Nun fa cchiù ‘a triste

ca po’ restammo male

tutt’’o juorno

e Giesù Cristo  ‘e  nuie

se piglà scuorno..

doppo tutt’’o bbene

ca c’è dato…

 

Gioacchino Ruocco

Ostia Lido            25.10.2020