Comme si ‘o sole

                                                              

Comme si ‘o sole

e curresse appriesso,

correno, ma addò ?

Si curamente a Chiaia

pe se jettà a mmare

comme si ‘o mare

fosse na cosa rara,

e ll’uocchie lloro

comme a doje lampare

pe guardà ‘nfunno

pe vedè stu munno

addò fernesce.

Correno comme a na pazzia

ca mette allegria

e nun fernesce

manco si ‘e strille lloro

so’ luntano ormaie.

Quanno turnarranno p’’a sagliuta

agge sentì che diceno redenno

o sfuttennese uno cu n’ato,

che cuntarranno a ll’ate

comme ‘o mare è fatto,

comme l’anno visto.

‘O cchiù cammurrista ‘e lloro

tene diece anne

ma ‘ncuollo ‘a gioia ‘e vivere

ca già so’ sta mangianno.

Gioacchino Ruocco

Ostia lido 15.08.019